Тошкент, Ўзбекистон — Uzbekistan Airports компанияси Мўғилистоннинг Hunnu Air авиакомпанияси билан музокаралар ўтказиб, ҳаво транспорти соҳасидаги ҳамкорлик истиқболларини муҳокама қилди.
Учрашув давомида томонлар Тошкент ва Улан-Батор ўртасида тўғридан-тўғри мунтазам йўловчи парвозларини очиш имкониятини кўриб чиқдилар.
Hunnu Air ушбу йўналишни 2025 йилнинг иккинчи ярмидан бошлаб амалга оширишни режалаштирмоқда. Дастлабки маълумотларга кўра, парвозлар Embraer 190 ҳаво кемаларида бажарилади.
Hunnu Air — 2011 йилда ташкил этилган хусусий Мўғилистон авиакомпанияси. Унинг бош офиси Улан-Баторда жойлашган бўлиб, асосий авиахаби Чингизхон халқаро аэропортида жойлашган. Компания ички ва халқаро парвозларни амалга оширади, авиапарки ATR 72-500 ва Embraer 190 самолётларидан иборат.
