Тошкент, Ўзбекистон — Статистика агентлигининг дастлабки маълумотларига кўра, Ўзбекистон 2024 йилнинг январь-октябрь ойларида хориждан қиймати 202,7 млн АҚШ долларига 20 190 та электромобиль импорт қилган.
Электромобиллар импорти ўтган йилнинг мос даври билан солиштирилганда 6 730 тага ошган.
Импортнинг асосий қисмини Хитой таъминлаган бўлиб, ушбу давлатдан 20 082 дона электромобиль олиб келинган, бу эса умумий импортнинг деярли барча қисмини ташкил этади.
Шунингдек, бошқа экспортчи давлатлар орасида Қозоғистон (51 дона), Гонконг (17 дона), Германия (14 дона), БАА ва АҚШ (ҳар бири 10 тадан электромобиль) қайд этилган.
