Тошкент, Ўзбекистон — Пеп Гвардиола январь ойида «Манчестер Сити»га қўшилган Абдуқодир Ҳусанов ҳақида ўз фикрини билдирди.
Бош мураббий ўзбек ҳимоячисининг қобилиятларидан ҳайратланганини ва у жамоа талабларига яхши мослашаётганини таъкидлади.
«Ҳусанов келди ва дарҳол „Челси“, „Ньюкасл“, „Реал“ ва „Ливерпуль“га қарши ўйнади – буларнинг барчаси оғир беллашувлар, айниқса, унинг қаердан келганини ҳисобга олсак. Ҳали мулоқатда қийинчиликлари бор, чунки инглиз тилида эркин гапира олмайди, лекин у жамоага аллақачон яхши таъсир кўрсатмоқда», – деди Гвардиола.
Таниқли мутахассис трансфер кампаниясининг жамоа учун катта қайта қуриш жараёни эмаслигини ва бу унинг энг қийин мураббийлик синови эмаслигини таъкидлади.
«Биз буни олдин ҳам қилганмиз. Тўққиз йил ичида „Манчестер Сити“ аввалги ҳолатда қолмади. Биз таркибни икки-уч марта янгиладик, шундай экан, бу энг катта синов эмас».
«Энг қийин давр менинг мураббийлик фаолиятим бошланиши бўлган, ўшанда мен ва штабим кўп муаммоларни ҳал қилишимиз керак эди. Лекин биз уддаладик ва ўзимизга буни эплай олишимизни исботладик», – дея якунлади Гвардиола.
