Тошкент, Ўзбекистон — Ўзбекистон Республикаси Президентининг Афғонистон бўйича махсус вакили Исматулла Иргашев Франциянинг Ўзбекистондаги Фавқулодда ва Мухтор Элчиси Орелия Бушез билан учрашув ўтказди.
Музокаралар давомида томонлар Афғонистон йўналишидаги ўзбек-француз ҳамкорлигининг жорий ҳолати ҳамда минтақавий хавфсизликни таъминлаш масалаларини батафсил муҳокама қилдилар.
Орелия Бушез Ўзбекистоннинг Афғонистонга инсонпарварлик ёрдами кўрсатиш ва унинг ижтимоий-иқтисодий ҳолатини яхшилаш йўлидаги муҳим ҳиссасини юқори баҳолади.
