Тошкент, Ўзбекистон — 3 март куни Ўзбекистон Республикаси ташқи ишлар вазирининг биринчи ўринбосари Бахромжон Аълоев Сув ресурсларини бошқариш халқаро институтининг (IWMI) Ўзбекистондаги вакили, доктор Барбара Януш-Павлетта билан учрашув ўтказди.
Учрашувда томонлар ҳамкорликнинг устувор йўналишларини, жумладан, сув ресурсларини самарали бошқариш, сув сифатини яхшилаш ва қишлоқ хўжалигига инновацион технологияларни жорий этиш соҳасидаги лойиҳаларни биргаликда амалга оширишни муҳокама қилдилар.
Ўзбекистон илмий ва таълим муассасалари ҳамда «IWMI» ўртасида билим ва тажриба алмашишга алоҳида эътибор қаратилди.
