Тошкент, Ўзбекистон — Ўзбекистон Ташқи ишлар вазири Бахтиёр Саидов Қозоғистон Бош вазири ўринбосари ва ташқи ишлар вазири Мурат Нуртлеу билан телефон орқали суҳбат ўтказди.
Суҳбат давомида томонлар икки томонлама ҳамкорликнинг ҳозирги ҳолати ва унинг истиқболларини муҳокама қилдилар, шунингдек, минтақавий ва халқаро ташкилотлар доирасидаги ҳамкорлик масалаларига тўхталиб ўтдилар.
Бахтиёр Саидов икки мамлакат ўртасидаги дўстона алоқалар янада мустаҳкамланаётганини таъкидлади.
Минтақавий ҳамкорлик орқали Марказий Осиёда фаровонликни таъминлашга ҳисса қўшилаётгани қайд этилди.
Саидов 2025 йил Ўзбекистон ва Қозоғистон учун янги ютуқлар йили бўлишини ишонч билан билдирди.
Томонлар стратегик шериклик ва иттифоқчиликни мустаҳкамлашга содиқлигини яна бир бор тасдиқладилар.
Суҳбат давомида 2025 йилда юқори даражадаги тадбирларни ўтказиш бўйича режа ва графиклар ҳам муҳокама қилинди.
