Тошкент, Ўзбекистон — Ўзбекистон Президенти Шавкат Мирзиёев «Халқаро шартномани тасдиқлаш тўғрисида»ги қарорни имзолади.
Қарорга мувофиқ, 2017 йил 1 декабрда имзоланган Шанхай ҳамкорлик ташкилоти (ШҲТ) бюджети шакллантириш ва ижро этиш тартиби тўғрисидаги шартномага ўзгартиришлар киритиш бўйича битим тасдиқланди.
Мазкур шартнома 2024 йил 16 октябрда Исломободда имзоланган.
Ташқи ишлар вазирлиги ушбу халқаро шартномани амалга ошириш учун масъул ваколатли орган этиб белгиланди.
Бундан ташқари, Вазирлар Маҳкамаси ва тегишли вазирлик ҳамда идоралар раҳбарлари шартнома кучга кирганидан сўнг унинг талабларининг ижросини таъминлаш учун назоратни амалга оширадилар.
