Тошкент, Ўзбекистон — Қозоғистон Бош вазирининг ўринбосари – ташқи ишлар вазири Мурат Нуртлеу Қозоғистондаги Ўзбекистон элчиси Бахтиёр Иброҳимов билан учрашув ўтказди.
Суҳбат давомида Қозоғистон ва Ўзбекистон ўртасида сиёсий, савдо-иқтисодий, сув-энергетика ҳамда транзит-транспорт соҳаларидаги икки томонлама ҳамкорликнинг муҳим масалалари муҳокама қилинди.
Апрель ойида Қозоғистон Президенти Қасим-Жомарт Тўқаевнинг Хивадаги ишчи ташрифи ҳамда ўтган йилнинг август ойида Ўзбекистон Президенти Шавкат Мирзиёевнинг Остонага давлат ташрифи чоғида эришилган келишувларни амалга оширишга алоҳида эътибор қаратилди.
Мурат Нуртлеу Қозоғистоннинг Ўзбекистон билан дўстлик, стратегик шериклик ва иттифоқчиликка асосланган кўп қиррали ҳамкорликни янада чуқурлаштиришга қизиқишини таъкидлади.
