Тошкент, Ўзбекистон — 2024 йилнинг январь-ноябрь ойларида Ўзбекистон 32,9 минг тонна олхўрини экспорт қилиб, $26,4 млн. даромад олди. Бу ҳақда Статистика агентлиги маълумот берди.
Ўзбекистон олхўрисининг асосий харидори Россия бўлиб, у 20 712 тонна маҳсулот сотиб олди.
Иккинчи ўринни Қозоғистон эгаллади, у ерга 10 522 тонна олхўри етказиб берилди. Учинчи ўринда Қирғизистон жойлашиб, 1 486 тонна олхўри импорт қилди.
Беларус ва Мўғулистон ҳам ўзбек маҳсулотига қизиқиш билдирган бўлиб, мос равишда 176,6 тонна ва 13,9 тонна олхўри харид қилган.
Шунингдек, Бирлашган Араб Амирликлари 8,6 тонна олхўри сотиб олган, бошқа давлатлар эса жами 2,6 тонна олхўри импорт қилган.
