Тошкент, Ўзбекистон — Ўзбекистон Олий судининг маълумотларига кўра, 2025 йилнинг дастлабки 11 ойида 2875 киши Жиноят кодексининг гиёҳванд моддалар ва психотроп моддаларни ноқонуний ишлаб чиқариш, сақлаш ва сотиш учун жазоларни назарда тутувчи 273-моддаси бўйича судланган.
Уларнинг 2 650 нафари озодликдан маҳрум қилинди ҳамда 225 нафарига озодликдан маҳрум қилиш билан боғлиқ бўлмаган жазолар тайинланди. 5 нафар шахсга нисбатан тиббий йўсиндаги мажбурлов чоралари қўлланилди.
Таққослаш учун, 2024 йилда 3020 киши шу модда бўйича судланган.
Уларнинг 2 806 нафарига озодликдан маҳрум қилиш, 214 нафарига озодликдан маҳрум қилиш билан боғлиқ бўлмаган жазолар тайинланган. 8 нафар шахсга нисбатан тиббий йўсиндаги мажбурлов чоралари қўлланилган.
