Тошкент, Ўзбекистон — Миллий статистика қўмитаси маълумотларига кўра, 2026 йил январь–февраль ойларида Ўзбекистонга тиббий ёрдам олиш мақсадида 11 876 нафар хорижий фуқаро келган.
Энг кўп беморлар қўшни давлатлардан келган: Тожикистондан 7 562 нафар, Қирғиз Республикасидан 2 530 нафар, Қозоғистондан 1 212 нафар.
Шунингдек, Ўзбекистонда 338 нафар Афғонистон фуқароси ва 208 нафар Россиядан келган беморлар тиббий хизматлардан фойдаланган. Қолган 26 нафар эса бошқа давлатлардан ташриф буюрган.
Ушбу маълумотлар хорижий фуқароларнинг Ўзбекистон соғлиқни сақлаш тизимига бўлган қизиқиши сақланиб қолаётганини ҳамда мамлакатда тиббий туризм ривожланаётганини кўрсатмоқда.
