Тошкент, Ўзбекистон — Андижон вилояти Булoқбоши туманида ўрнатилган қуввати 6,9 МВт бўлган JFK-3 кичик гидроэлектростанциясининг қурилиши якунланиш арафасида. Объект яқин вақт ичида ишга туширилиши режалаштирилган.
Станциядаги ишлар ҳолатини «Ўзбекгидроэнерго» акциядорлик жамияти бошқарув раиси Ислом Абдураҳмонов ўрганди.
Ташриф давомида у лойиҳанинг жорий ҳолати билан танишиб, объектда ишлаётган мутахассислар ва ходимлар билан суҳбат ўтказди ҳамда уларнинг тайёргарлик даражаси, касбий кўникмалари ва техника хавфсизлиги масалаларига алоҳида эътибор қаратди.
Ҳозирги вақтда гидроэлектростанцияда ускуналарни якуний техник синовдан ўтказиш ишлари ҳамда ҳудудни ободонлаштириш ишлари олиб борилмоқда.
Станция ишга туширилгандан сўнг, у ўртача йилига 33 миллион кВт·соат экологик тоза электр энергияси ишлаб чиқаради.
Бу ҳудудда электр таъминоти барқарорлигини оширишга ҳамда мамлакат энергетика балансида қайта тикланувчи энергия манбалари улушини кўпайтиришга хизмат қилади.
