Тошкент, Ўзбекистон — 22 апрелдан Ўзбекистонда онлайн кредитларни расмийлаштиришнинг янги тартиби кучга киради, у қарз олишга чекловларни назарда тутади. Марказий банк бошқаруви қарорига кўра, фуқаролар бир сутка давомида фақат битта онлайн кредит ёки микрокредитни ва фақат битта кредит ташкилотида расмийлаштириши мумкин бўлади.
Ҳужжатга мувофиқ, ариза келиб тушганда молиявий ташкилот биринчи навбатда ариза берувчининг маълумотларини кредит шартномаларини тузиши тақиқланган шахслар реестрида текшириши шарт.
Агар бир ЖШШР (ПИНФЛ) бўйича бир вақтнинг ўзида бир нечта кредит ташкилотига аризалар юборилса, кредит бюроси фақат биринчи аризани кўриб чиқади. Қолган мурожаатлар дастлабки ариза бўйича қарор қабул қилингунига қадар вақтинча инобатга олинмайди.
Агар биринчи ташкилот томонидан рад жавоби берилса, кўриб чиқиш шу ЖШШИР бўйича навбатдаги аризага ўтади. Бироқ агар кредит маъқулланиб, расмийлаштирилса, қолган барча аризалар автоматик равишда рад этилади.
Қўшимча равишда белгиланишича, қарз берилгандан сўнг ушбу ЖШШР бўйича янги аризалар 24 соат давомида кўриб чиқилмайди. Кутилмоқдаки, мазкур чоралар фирибгарлик хавфларини камайтириш ва фуқароларнинг ортиқча қарз юкини чеклашга хизмат қилади.
