Тошкент, Ўзбекистон —
20 апрель куни АҚШнинг Калифорния штати, Оушенсайд шаҳрида бўлиб ўтган профессионал бокс кечасида ўзбекистонлик боксчи Руслан Абдуллаев филиппинлик Жино Родригони мағлуб этиб, WBA Continental чемпиони камарини қўлга киритди.
Жаҳон ва қитъа чемпиони, шунингдек 2021 йил «Руфат Рискиев кубоги» талқини бўйича Ўзбекистоннинг энг яхши боксчиси сифатида эътироф этилган Абдуллаев саккиз раундлик жангда юқори маҳорат намоён этди.
У жангни тўлиқ назорат қилиб борди ва бешинчи раундда рақибини нокдаунга туширди.
Натижада, ҳакамлар бир овоздан ғалабани Абдуллаевга берди — ҳисоб: 80-71, 80-71, 80-71. Бу унинг профессионал фаолиятидаги иккинчи ғалабаси бўлди.
