Тошкент, Ўзбекистон — Ўзбекистон терма жамоаси ярим ҳимоячиси Аббосбек Файзуллаев Туркия чемпионатида «Истанбул Башакшеҳир» таркибидаги илк голини урди. Суперлиганинг 13-тури доирасида турк клуби сафарда «Касимпаша»ни 3:1 ҳисобида мағлуб этди.
Жароҳатидан тўлиқ тикланиб, асосий таркибда майдонга тушган Файзуллаэв 26-дақиқада юқори бурчакка аниқ жарима зарбаси билан ҳисобни очди. Биринчи бўлимга қўшиб берилган 45+4-дақиқада Амин Харит жамоа устунлигини икки баробарга оширди.
75-дақиқада «Истанбул Башакшеҳир» Давие Салкенинг майдондан четлатилиши натижасида бир киши кам бўлиб қолди ва орадан тўрт дақиқа ўтиб, Адам Ароус «Касимпаша»нинг ҳисобдаги фарқини қисқартиришга ёрдам берди.
Учрашувга нуқта эса 90+7-дақиқада Ўзбекистон терма жамоаси ҳужумчиси Элдор Шомуродов томонидан қўйилди. У Суперлигадаги ўнинчи голини урди ва жамоаси ғалабасини таъминлади.
