Тошкент, Ўзбекистон — Ўзбекистон терма жамоаси ёшлар ўртасидаги жаҳон шахмат олимпиадасида (U-16) муваффақиятли иштирок этиб, иккинчи ўринни қўлга киритди. Мусобақа 2025 йил 16–23 август кунлари Колумбиянинг Барранкилья шаҳрида бўлиб ўтди.
ФИДЕ маълумотларига кўра, ўзбекистонлик шахматчилар етти ғалаба қозониб, икки маротаба дуранг ўйнашди.
Биринчи ўринни барча тўққиз учрашувда ғалаба қозонган FIDE-1 жамоаси эгаллади. Учинчи ўрин эса етти ғалаба ва икки мағлубият билан Қозоғистон терма жамоасига насиб этди.
Ўзбекистонлик шахматчилар шахсий натижаларда ҳам ютуқларга эришишди. Хусусан, Муҳаммадзоҳид Суёров биринчи доскада иккинчи ўринни, Хумоюн Бегмуродов эса иккинчи доскада иккинчи ўринни эгаллади.
