Тошкент, Ўзбекистон — Рақамли технологиялар вазирлиги делегацияси Лондонда “Apolitical Group" Limited компанияси вакиллари билан учрашиб, мамлакатимизнинг рақамли келажагини шакллантиришга қаратилган стратегик ҳамкорликни бошлади.
Учрашув натижасида давлат секторининг рақамли имкониятларини кенгайтиришга йўналтирилган ўзаро англашув меморандуми (MoU) имзоланди.
Ушбу ҳамкорлик уч асосий йўналишни ўз ичига олади:
Кадрлар тайёрлаш – Ҳукумат ходимларини Apoliticalънинг Government AI Campus платформаси орқали сунъий интеллект (АI) бўйича махсус дастурлар асосида тайёрлаш, инновацион ечимларни илгари сурадиган малакали кадрларни етиштириш.
Масъулиятли инновациялар – АI технологияларини жорий этишда кучли этика тамойилларини шакллантириш ва уларнинг барча фуқаролар учун тенг манфаат келтиришини таъминлаш.
Рақамли трансформацияни жадаллаштириш – Давлат бошқаруви даражаларида рақамли ечимларни тезроқ жорий қилиш, жараёнларни автоматлаштириш ва самарадорликни ошириш.
Ушбу узоқ муддатли ҳамкорлик Ўзбекистоннинг технологиялар ёрдамида яхшироқ бошқарув, самарали давлат хизматлари ва рақамли келажак сари интилишини ифодалайди.
