Тошкент, Ўзбекистон — Ўзбекистон Республикаси Ташқи ишлар вазири Бахтиёр Саидов Тожикистон Республикасининг Ўзбекистондаги Фавқулодда ва Мухтор элчиси Насриддин Исматулло билан учрашди.
Музокаралар давомида томонлар 2025 йилда Ўзбекистон-Тожикистон стратегик шериклиги ва иттифоқчилигини ривожлантиришнинг асосий ютуқларини батафсил таҳлил қилиб, барча соҳалардаги ўзаро алоқаларнинг барқарор ижобий динамикасини таъкидладилар.
Келгуси давр учун ҳамкорлик кун тартибини ишлаб чиқишга, жумладан, юқори даражадаги алоқалар, қўшма лойиҳаларни амалга ошириш ва икки мамлакат ўртасидаги яхши қўшничилик ва ўзаро манфаатли муносабатларни янада мустаҳкамлашга алоҳида эътибор қаратилди.
