Тошкент, Ўзбекистон — Корея халқаро ҳамкорлик агентлиги (KОIСА) томонидан умумий қиймати 14 миллион АҚШ долларига тенг “Ўзбекистонда АТ таълим экотизимини такомиллаштириш орқали ёшларнинг бандлик ва тадбиркорлик салоҳиятини ошириш” лойиҳаси амалга оширилади.
Лойиҳа тўрт йил давомида замонавий IТ соҳаларида тизимли ўқитишни кўзда тутади. Дастур сунъий интеллект, тезкор муҳандислик, дастурлаш, нарсалар интернети ва онлайн маркетинг каби соҳаларни ўз ичига олади.
Кадрлар тайёрлашга алоҳида эътибор қаратилади. Ташаббус доирасида 500 нафар IТ мутахассиси ва ўқитувчининг малакасини ошириш режалаштирилган. Бундан ташқари, Жанубий Кореянинг етакчи мутахассислари иштирокида стартап инкубация дастурлари ишга туширилади.
Шунингдек, Лойиҳа 2026–2032 йиллар давомида Нукус ва Қарши шаҳарларида 2 та замонавий АТ-ҳаб ташкил этилади ва 7 та туманда 14 та АТ марказ қурилиб, жиҳозланади.
Мазкур лойиҳа таълим тизимини ривожлантириш, ёшлар бандлигини ошириш, инновацион тадбиркорликни қўллаб-қувватлаш ҳамда мамлакатнинг рақамли келажагини мустаҳкамлашга хизмат қилади
