Тошкент, Ўзбекистон — 2026 йил 24 апрель куни Москва шаҳрида Шанхай ҳамкорлик ташкилотига аъзо давлатлар ташқи сиёсат идоралари раҳбарлари ўринбосарлари даражасида ШҲТнинг халқаро фаолияти ва минтақавий хавфсизлик масалаларига бағишланган навбатдаги маслаҳатлашувлари бўлиб ўтди.
Учрашув давомида томонлар халқаро ва минтақавий кун тартибидаги долзарб масалалар, жумладан хавфсизликка таҳдид ва хатарлар, шунингдек Ташкилот доирасида ташқи сиёсий мувофиқлаштиришни чуқурлаштириш масалалари юзасидан фикр алмашдилар.
Алоҳида эътибор ШҲТнинг халқаро майдондаги ролини мустаҳкамлаш, минтақавий барқарорликни таъминлаш ҳамда ҳамкорлик механизмларини такомиллаштириш, шу жумладан Ташкилотнинг шартномавий-ҳуқуқий базасини ривожлантиришга қаратилди.
