Тошкент, Ўзбекистон — Ўзбекистон терма жамоаси Хитойнинг Санья шаҳрида бўлиб ўтаётган VI Осиё пляж ўйинларида илк олтин медални қўлга киритди.
Пляж енгил атлетикаси бўйича мусобақада Барнохон Сайфуллаева ғалаба қозонди. У баландликка сакраш йўналишида 1,85 метр натижа кўрсатиб, энг яхши кўрсаткичга эришди.
Кумуш ва бронза медалларини Хитой спортчилари қўлга киритди, уларнинг ҳар иккиси 1,83 метр натижа қайд этди.
Сайфуллаеванинг олтин медали мазкур ўйинларда Ўзбекистон терма жамоаси учун илк олтин мукофот бўлди.
